Is é is cuspóir don Chairt prionsabail agus luachanna na n-ábhar ar an ardán a shainiú. Trí ábhar a fhoilsiú, aontaíonn tú go gcloífidh tú le Cairt na Comhdhála ar Thodhchaí na hEorpa agus le luachanna na díospóireachta poiblí: 

• An ceart atá ag gach duine tuairim éagsúil a bheith aige a aithint agus a urramú, i spiorad na héisteachta agus na hoscailteachta. 
  
• Gan aon ábhar a fhoilsiú atá maslach, clúmhillteach, ciníoch nó contrártha le hord poiblí agus an dlí atá i bhfeidhm. 
  
• Seasamh a áitiú de mheon cuiditheach chun cur le díospóireacht ardchaighdeáin. 
  
  

Dá bhrí sin tá cosc ar an méid a leanas: 

• Ionsaithe nó maíomhanna atá bunaithe ar chine, ar chreideamh nó ar easpa creidimh, ar idirdhealú eitneach, ar inscne nó ar ghnéaschlaonadh. 
  
• Maslaí, ciapadh, ráitis thromchúiseacha neamhchruthaithe nó mhíchruinne faoi dhaoine aonair nó eagraíochtaí. 
  
• Teachtaireachtaí fógraíochta agus fógraí rangaithe. 
  
• Teachtaireachtaí ina bhfuil faisnéis phearsanta a d’fhéadfadh príobháideachas a shárú. 
  
• Teachtaireachtaí gáirsiúla nó pornagrafacha. 
  
• Ní cheadaítear téacsanna a atáirgeadh gan a bhfoinse a lua nó inneachar faoi réir cóipchirt a atáirgeadh gan údarú. 
  
  

Is iad modhnóirí an ardáin amháin a dhéanfaidh an t-ábhar a fhaightear a mheas agus forchoimeádann siad an ceart chun na rialacha sin a chur i bhfeidhm trí theachtaireachtaí a sháraíonn na rialacha sin a cheilt gan fógra ná comhaontú roimh ré. 

Dearbhaíonn tú go bhfuil an chairt atá ann faoi láthair léite agat agus go nglacann tú leis gan srian gan cheist, sula gcuirfidh tú d’ábhar isteach.